أبيك تحس..أبيك ترد
ابي البعد ما يطول
أبيك تشوف حبي لك
مع قلبي وفي ذاتي
أبيك تلومني لي غبت
أبيك تثور أبيك تزعل
وأبي ارضيك بخضوعي
ومعك بكل غاياتي
تعااال بلهفة العاشق
تعااال اسمع مناجاتي
تعاااال قول أنا احبك
أبي عروقي بها تنبل
أبيك تكون لي الدرب
وأقرب من مسافاتي
تعاااال اسقيني من عشقك
ترى جسمي بدا يذبل
تعااال وشوف كثر الهم
بدا يظهر بنظراتي
تعااال أشكي لك همومي
خلاص ارجوك لا ترحل
أنا محتاج لوجودك يجمع باقي اشتاتي
أبيك الظل
أبيك انت لي الدنيا
وتكون آخر محطاتي
واذا تأخرت بجياتي
أبيك تنطر
أبيك تسأل
ومهما غبت عن عينك
أبيك تخاف وتحاتي
واذا ماتت الفرحه
وخان الوقت بدل
أبي يدك تلازمني
وتمسح كل دمعاتي
واذا تحت التراب جسمي
يبقى حبي ويظل
معااك دنياي انا فيها
ومن دونك نهاياتي
ودي أموت اليوم وأعيش
وأشوف منهو بعد موتي فقدني
ومنهو حملني لين ذيك المقابر
واشكر كل من كرمني ودفني
شخص تعنا لي مع أنه مسافر
وشخص قريب للآسف ماذكرني
ومنهو يرتب غرفتي والدفاتر
وأن شاف صورة لي صاح وحضني
كل ماجيت اتغلى عليك يعاتبني الوفا فيني
وكل ماجيت اجافيك يبدا قلبي يجافيني
وترا سؤالي عن احوالك نابع من زود الغلا فيني
يعني لارديت ولا مارديت وصول المسج لنظر عيني
يكفيـــــــني
الرئيسية 
أحدث الصور 
التسجيل 
دخول 
